Lus
tshaj tawm
Nyob
zoo txog ib tsoom phooj ywg Hmoob hmov thiab tshua suav daws txhua
tus. Ib qhov tseem ceeb tshaj mas kuv xav kom suav daws yuav tsum
tau kawm peb li tus ntawv Hmoob. Txawm yog leeg twg los sis lwm haiv
neeg twg qhia tus ntawv rau peb Hmoob kawm los peb twb pauj tsis tau nws lub txiaj
ntsim rau nws li.
Kawm
ntawv Hmoob
Raws li kuv
tau muab ntsuam xyuas mas peb Hmoob muaj ntau yam ntawv, Tab sis zoo
li hom ntawv uas yuav vam meej thiab peb Hmoob sau tau thiab nyeem
tau tshaj li tsib caug feem puas lawm mas yog tus ntawv LATINA (ABCDFGHIJKLMNOPQRSTUVWXYZ)
no. Lwn hom ntawv yog peb paub mas haj yam zoo rau peb.
Ntawm peb
cov lus mas peb tseem yuav sib txua thiab tham tau meme. Tab sis koj
nyob koj nrog ib haiv neeg koj kawm haiv neeg ntawd lus thiab tus
ntawv ces thaum peb sau ntawv mus sib cuag los peb nyeem tsis tau.
Yog peb kawm tus ntawv Hmoob ces peb sau ntawv sib nug moo los peb
nyeem tau thiab paub lub ntsiab lus tias hais li cas.
Peb
cov Hmoob nyob rau Suavteb, Thaibteb, Lostsuasteb, Fabkisteb, Meskasteb
thiab lwm thaj chaw muaj coob leej ntau tus sau thiab nyeem tsis tau tus
ntawv Hmoob ces peb sau lwm haiv neeg tus ntawv thiab lawv cov lus mus sib
xyuas kwv tij phooj ywg los muaj qee leej nyeem tsis tau ces yam nkaus li
nws dig muag lawm.
Kuv
tu siab rau kuv kawg vim kuv cov txheeb zeb nyob rau Fabkisteb sau ntawv
e-mail ua lus Fabkis thiab tus ntawv Fabkis tuaj rau kuv nyeem tsis tau
thiab tsis paub tias nws hais li cas rau kuv. Kuv thiab hu xovtooj
mus nrog nws tham lus Hmoob tab sis nws sau tsis tau ntawv Hmoob,
nws sau tau ntawv Fabkis kuv sau tsis tau ntawv Fabkis thiab nyeem tsis
tau. Qhov nov qhia tau tias peb yuav tsum kawm peb li tus ntawv Hmoob (LATINA) no.
Ua
nej suav daws tsaug uas nej muab lub sij hawm nrog nyeem thiab paub txog
zaj lus no. Thaum kawg no kuv xav kom nej pab hais suav daws kawm peb tus
ntawv Hmoob thiab kom suav ua lub kaj siab lug. Sau npe
Hmoob hlub Hmoob.